Update 19/2/2023: Tyson 喺 IG Live 表示：「七月个人表演决定取消 唔想为搞而搞」「唔係谂住，係决定放弃，因为我觉得好消费啲观众，虽然而家个个都搞骚，自己啱啱出咗一隻歌《#optimistic》，而家 2 月㖞，咁中间唔通我又赶住去出多几首歌，其实咁样歌list同上次演唱会只係多两三首歌，喺表演上冇乜分别，所以我唔想为搞而搞。」「我唔知大家有冇睇过，对上一次经验，以前睇『地表最强周杰伦』，跟住佢有『地表最强2』，我Ｘ，地表最强 2 同 1 係完全冇分别，我几锺意佢都好，我都係Ｘ咗一声出嚟！嗰阵时 1 有睇，2又再买飞，我Ｘ，一样㖞，仆街！所以我唔想为搞而搞，准备好先搞，同埋上次真係去得太尽，宣传呀谂法呀，下一次要更好啲，但係呢几个月，我唔担保自己一定谂到呢啲嘢，我自己都唔会满足，所以决定 7 月唔搞啦，就是这样。我真係唔想搞完赚嚿钱，咁又点啫，唔想为搞而搞。」

---

Tyson Yoshi 筹备而久嘅 gym room，喺 2 月 5 日就正式开张！佢喺开幕活动后，接受传媒访问时就承认，自己筹备紧 7 月会喺亚博开演唱会！ 各位粉丝记住密切留意！ ．以上演唱会日期尚未确定，只属消息、推测及估计，一切有待官方公佈 ．请勿误信非官方售票渠道 照片来源：Tyson Yoshi IG

---

Follow 埋 Timable 演唱会 FB 专页： https://www.facebook.com/timable.hk.concerts