Update 13/3/2023: 嚟紧春日营嘅蓝调营火音乐会，开放畀 6 - 12 岁以上嘅儿童免费参与（每张门票限带一位 6 - 12 岁儿童，儿童需有家长陪同出席，此安排仅适用于营火音乐会），等佢哋听多啲唔同类型音乐，感受不同氛围，扩阔眼界都係一种独特嘅体验

---

「春眠不觉晓，处处闻啼鸟」 唔知大家最近行到街上时有无留意，周围嘅花朵开始绽放，雀仔声吱吱喳喳，无错，係春天嘅气息 近日蒲窝嘅雀声余音嫋嫋，环绕四周：繁花盛放 树木飘扬，阳光和熙映射喺歷史痕迹嘅红砖墙，十分写意！好风景好时光，当然唔可以错过，蒲窝青少年中心把握时机，即将举办第一个古蹟春日营，有得玩，有得食，晚上仲会有营火音乐会，诚邀大家结伴同行，共享欢乐！ 事不宜迟，率先介绍一吓春日营嘅搞作！ 第一弹：导赏、紥染及营灯 DIY (只限全日票人士) 喺三小时嘅手作时光，等自己放慢生活速度，沈浸喺宽阔嘅建筑物，享受当下嘅专注。导赏员会为你介绍古蹟嘅歷史同演变，喺红砖屋慢慢行，你会感受到蒲窝呢座古蹟嘅新旧融合，重新发现平时未必为意到，但值得细味的建筑及工艺细节 喺 DIY 工作坊，可以整到紥染方巾同营灯，当中都係用天然嘅素材同技艺，製成品可以即日使用，立即享受动手作嘅的满足感 紥染合作单位：澄明手作喺 2018 年成立，创办人 Helen 一直致力推广扎染文化，希望令更多人认识呢个技艺。 营灯 DIY 合作单位：仝匠 The Warehouse Maker Space 係蒲窝青少年中心所成立嘅动手造品牌，提供学制以外嘅另类自主学习经验，凝聚志同道合、不分地域同身份嘅青年，以开放、共享、协作嘅方式策动动手造项目。 第二弹：野炊手工 Pizza (只限全日票人士) 野炊达人 David 会主理野外流动厨房 令你可以喺大自然中，食到手工Pizza 过程中，会感受到柴火嘅温度，配合新鲜嘅食材，製作至啱你心水嘅手工薄饼 手工薄饼材料：麵团、意大利肠、蕃茄、甜椒、牛油果、鸡蛋、芝士 (可自由配搭) 合作单位：野炊达人 David 为「得意野炊」及「集弃场」主理人，擅长野外柴火煮食同令弃木重生，经常将流动厨房搬到野外，製作出唔同嘅柴火美食。 第三弹：蓝调营火音乐 (全日票和营火音乐门票) 蓝调怨曲音乐人Ram Cheung Trio 会为蓝调营火音乐夜揭开序幕，Tomii Chan 将同人称「阿鬼」嘅黄仁逵 Jam 歌，为蓝调营火音乐夜带来一晚限定蓝调企划，以惨岛蓝调嘅製作团队为寂静嘅黑夜奏上醒耳乐章！ 合作单位： 蓝调怨曲音乐 人Ram Cheung Trio Tomii Chan x 黄仁逵 【时间】 13:30｜场地开放 14:00- 22:00｜全日票，已包括导赏、扎染及营灯 DIY、 野炊手工 Pizza 及营火音乐会 20:00- 22:00｜仅限营火音乐会门票 【当日活动流程】 14:00 - 17:00｜导赏、扎染及营灯DIY 17:30 - 19:30｜野炊手工 Pizza 20:00 - 22:00｜蓝调营火音乐 * Pop Up Cafe 及自费小食会喺活动期间营运，小食可先在购票时一同预订，方便准备食材数量，有少量可现场购买，数量有限，售完即止