上个月睇完《都市浪漫歌厅》— 无伴奏合唱音乐会，意犹未尽嘅你，唔洗伤心，另一个青少年之友会员专享节目：音乐剧场《电波捕捞员》将会喺今个月上演。 眼利嘅旧会员应该会觉得个节目名好熟面口，係呀，本来係2022香港艺术节嘅节目！今次呢个修订版继续有电波捕捞员，一齐展开捕捞工作～ 电波捕捞员，係宇宙中最寂寞嘅职业，佢哋係无边嘅宇宙，捕捞曾经由地球发出嘅电波，然后重新整理返做可阅读嘅知识同文字。Mandy同Adam呢两个电波捕捞员，本来心裡面带住无限嘅荣耀同使命感入职，却被编咗入最不被重视嘅「艺术—歌曲—广东话歌」组别。 失去咗使命感嘅Mandy同吊儿郎当嘅Adam有日因为啲无聊嘢而闹交，仲搞到太空船撞咗落宇宙乱石堆！入咗乱石堆，佢哋竟然神奇地返咗过去，重新经歷返自己人生中几个重要时刻，亦喺不知不觉间，同自己嫌弃嘅广东话歌，一次又一次咁产生连结⋯⋯ 其中一场有少量门票会公开发售，想同家人朋友一齐睇嘅，就立即去art-mate扑飞啦～ * 3月18日之场次为会员专场，不作公开发售

---

编剧：石俊杰 导演：王俊豪 编曲及音乐总监：何文曦 演员：戴晋扬、刘亭君 乐手：黄凯泰、曾宪晞、陈杳然、符肇廷