短裙！绝对领域！少女 Bassist？！变装女仆大叔 H.J.Freaks 凭藉令人羡慕嘅 Bass 技术，一直活跃于 YouTube 及 Twitch 平台。一首 4 分钟嘅 cover 影片，想认真欣赏间奏嘅 slapping？双眼总係忍唔住咁向望落去大叔嘅光滑大髀。隐隐约约嘅蕾丝边、突如其来嘅「大」字跳，简直係发梦都冇谂过有咁正嘅配搭。 今年四月，HJ Freaks 将会进行连走两站嘅亚洲巡演 (香港、泰国)。事实上，若果大家记得，三年前呢场 H.J.Freaks 就係香港封关当晚突然宣布腰斩嘅表演，亦正正係 H.J.Freaks 临上飞机前一刻被告知拒绝入境嘅当晚。最后临急临忙揾咗几队好友乐队仗义出手，同时间成为 This Town Needs 场地嘅最后一场 Live。今次可以再次邀请到 H.J.Freaks 到港演出，算係报答各位喺当阵时嘅理解。三年后嘅今日，由 NEON LIT 再次将可爱性感大叔带到大家面前。 如果反应热烈，可能仲会有加码环节～到时你哋唔好流到成地口水呀！ 19:00 OPEN | 20:00 START