Winter Bagels 终于搞 Show 啦！！ 今次个 Show 有几个愿望，想 Playful、Enjoyable、生活感十足，仲想有一大片草地包围得嚟，有多棵大树，望住太阳落山就 PERFECT 喇！ 点知真係揾到香港有个咁嘅地方，仲要喺大街隔离～（邻近铁路及巴士站） 所以 Winter Bagels 决定「的起心肝」打破一年一歌嘅 layback 节奏，写几首新歌记录下，合辑成一隻精美 Cassette。呢隻 Cassette 係佢哋两个人喺睡房／厕所／楼梯口 记录创作嘅纯粹，两把人声两支结他合力完成，希望畀大家听到净係得返佢哋两个私底下嘅声音纪录同相处。 呢个音乐会延伸 “FOLK YOU VERY MUCH” 嘅概念，将房间製作出嚟嘅 demos 搬去一个更大、更多人、户外嘅地方，听完 cassette 嘅demo，再拎住 cassette 到场大集合睇 live，享受一个 FOLK 乐嘅黄昏！ 当日音乐会三时恭候大家入场，欢迎各位带小朋友入场野餐同奔跑，希望大家可以自由自在享受有大树，有黄昏，有草地，有 BAGELS 嘅 FOLK MUSIC。 开放野餐时间：3:00pm 音乐会时间：4:30pm 购票：https://docs.google.com/forms/d/e/1FAIpQLSdeNtbMvj_QE95UfZFiuE-cIhus2sTt1dLw9AEbOKKhVHVnXg/viewform * 呢隻 Cassette 同时会係 Show 嘅门券，请携带 Cassette 入场 - 会随 cassette 附上一句不漏完整 wav file，唔使带住 cassette 机都可以随身听 (所以填 form 最重要係留 email，send private link) - 凡 9/4 23:59 前购买 cassette 嘅朋友有机会抽中一部精美 cassette 机 (一共有 3 位幸运儿)