将传奇巨星、霹雳舞、街舞融合一齐会擦出咩火花？ 大家即将可以体验到。星光大道响应 4 月份揭幕嘅「香港流行文化节2023」，将会举办头炮活动之一－「星光声‧影梦」。 今年分别係一代巨星李小龙、陈百强、张国荣及梅艳芳离世 50、30 及 20 周年，为咗令本地年轻人及中外旅客都可以认识「香港传奇」，展现香港独特嘅流行文化同多元融合嘅魅力，「星光声‧影梦」係一场以崭新嘅编曲演绎嘅舞蹈巡遊，重塑四位传奇巨星如何由平凡人蜕变为超级巨星的不平凡故事，舞动星光大道，向呢几位已故巨星致敬。 今次嘅舞蹈巡遊中，星光大道邀得独立音乐人 MC 仁 DJ 音乐製作团队，重编四位巨星嘅经典乐曲，并由五位霹雳舞港队代表 B-boy C Plus、B-boy SoSze、B-boy Four、B-boy SoulGreen、B-girl Ifree及新晋舞者 B-boy Shadow 以霹雳舞、街舞方式，喺星光大道引领一众歌影迷会成员、市民同旅客参与是今次别开生面嘅巡遊。 巡遊队伍将于 4 月 23 日下午 2 时，由星光大道李小龙铜像旁开始演出，并途经梅艳芳铜像，及四个以四位巨星为主题嘅区域，一直至金像奖女神铜像为终点。四个区域内亦同时举办四位传奇巨星嘅展览，展示佢哋嘅经典造型，阐述佢哋成名嘅故事。展览为期两星期，大家可以随时去参观，重温四位嘅风采。 「星光声‧影梦」活动欢迎公众免费参与，星星十分期待当日同大家一齐回顾四位一代传奇巨星嘅光辉啊！ 合办：油尖旺民政事务处 协办：「Bruce Lee Club 李小龙会」、「芳心荟」 、「That's Leslie • 荣の联盟」及「dannychanfansclub为你喝采陈百强歌迷会」