【MYO 五月音乐会】打开古典音乐大门，感受柴可夫斯基嘅瑰丽乐章 曲终人不散～继今年元旦举办嘅《20週年音乐会》完美落幕后，MYO 好高兴嚟紧五月份再次踏上舞台，为大家献上几首由俄罗斯作曲家彼得·伊里奇·柴可夫斯基（Pyotr Ilyich Tchaikovsky）谱写嘅动人乐章，一齐走入浪漫古典音乐世界！ 柴可夫斯基出生于俄罗斯，係十九世纪浪漫主义音乐嘅代表之一。佢笔下嘅乐章澎湃、感人肺腑，仲别具俄罗斯民族风格，作品总会令人一听就爱上，为后世留低难以磨灭嘅印象。喺依场音乐会裡面，MYO一众年轻音乐家将会演绎几首佢嘅经典名曲选段，例如：《胡桃夹子组曲 — 糖梅仙子之舞》、《意大利随想曲》同《罗密欧与茱丽叶幻想序曲》；我哋亦好荣幸请嚟音乐剧演员、创作人同声乐指导郑君炽（Jordan Cheng），以说书人角色旁白叙事，带观众进入作曲家嘅情感世界，获得亲歷其境嘅感受。 小音乐家已经准备好啦！期待同你再度聚首音乐厅，感受管弦乐扣人心弦嘅威力。敬请期待！