Neon Lit 为大家带嚟一个令人兴奋的消息，佢哋即将迎接五週年喇！ 为咗呢个特别嘅庆典，佢哋专程邀请咗两队人气十足嘅日台器乐乐队 toconoma 、体熊专科。Major in Body Bear 嚟到香港同我哋一齐庆祝。 来自日本嘅 toconoma，佢哋嘅音乐充满住活力同创意，融合 funk、jazz、disco 之类嘅元素。令人叹为观止嘅係，其实四位乐手都係时间管理大师，平日返工、週末夹 band，却一步一步咁，喺十年间推出三张专辑，更加係 Fuji Rock 舞台上嘅常客。toconoma 将喺生活中揾到嘅平衡，投放喺乐队嘅音乐创作之中，编绘出各个乐器嘅旋律色彩，配合得淋漓尽致。而今次更加係佢地第三次来港演出呢！ 体熊专科，一队来自台湾的乐队，成立于 2013 年，同样是 Instrumental 的日系Post Rock。「体熊」发音在台语嘅意思係指「閒聊」，所以「体熊专科」就係指「吹水专家」吗？哈哈。乐队至今发佈共四张专辑，以章节形式包装及构思每一个专辑，由 2017 年推出嘅《Topic 1：告白 Confession》开始，继而讲述「关係」、「瞬间」、以及最近嘅《Topic 4：时间 Time》。体熊专科嘅乐曲名称总係会长到显示唔晒，话虽如此，咁样乐曲名称或许成为咗体熊专科嘅特色，简单嘅一两隻字唔足以盛载整个创作嘅构图。丰富嘅内容细节，仍然是由体熊嘅乐曲去逐一呈现出嚟。 虽然中间经歷过疫情三年嘅空窗期，但都非常感谢各位一直以来不离不弃嘅支持。 呢场五週年庆典将于 6 月 24 号喺九展 MUSIC ZONE 举行，到时见！ 进场：19:00 | 开场：20:00

---

Follow 埋 Timable 演唱会 FB 专页： https://www.facebook.com/timable.hk.concerts