夏天终于嚟到啦！ 夏日炎炎做咩好，紧係嚟绿在屯门参加环保嘉年华最好，今个5月份我哋准备咗好适合一家大细玩嘅夏日童玩乐嘉年华 ，即刻同大家介绍有咩节目啦～到时会有环保怀旧玩具展 ，利用回收物製作怀旧玩具，例如有废布豆袋、翻花绳同公仔纸等，有啲怀旧玩具你可能听都未听过，当日一于一齐嚟玩啦～ 除此之外，又点少得一向好受欢嘅环保工作坊 ，今次分别有植物拓印夏日摺扇 、环保手作乾花画、地球小物碟同 胶盖动物小手工，有兴趣嘅大小朋友就唔好错过啦！最后当然唔少得摊位遊戏、免费二手市集同埋寻牛记啦。 Mark低日子，一齐同小朋友学吓点样喺日常实践环保，仲有丰富奖品等你哋嚟拎走，到时见啦～ 注意事项： 1. 如有发烧或身体不适，请避免前往「绿在屯门」。 2. 活动期间需按职员指示排队轮候。 3. 环保工作坊材料由「绿在屯门」提供，活动采用即场报名方式（先到先得，额满即止）。 4. 免费二手物市集只会派发，不会进行收集活动。