From 朱芸编 IG @wanpinchu： 离开咗新蒲岗嘅工厦森林之后，今次我决定要去到远离尘嚣嘅小岛 —— 长洲，举行我接落嚟嘅第二个演奏会。 一直都好喜欢小岛，喜欢佢同城市之间个段安好嘅距离。每次由城市搭船去小岛，我都觉得好似係离开紧我原来嘅生活圈子，踏入另一种属于别人嘅日常咁。作为城市人，望着窗外嘅城市风景渐渐褪去，慢慢被连绵嘅山脉同无尽头嘅大海佔去视线，我感觉到一种出走嘅兴奋。 每一程船，都係将人由原来嘅住处送往目的地；而每次来往小岛同城市，都係经歷紧一次离散同重聚。暂别熟悉嘅日常同面孔，去到新嘅地方，重新认识新嘅人同事，亦会掀起各种情感。 喺今个星期五，适逢长洲太平清醮正日，我会喺我最钟意嘅小岛 —— 长洲，用二胡向你娓娓道来自唔同年代、属于我哋所有人嘅散聚故事，同大家一齐重温当中经歷过嘅不捨、难过、期待同喜悦。 二胡： @wanpinchu 钢琴： @walterwongyuet 购票方法：填妥 Google Form ( https://docs.google.com/forms/d/e/1FAIpQLScxwXhJ0UGg-DEMJkit1R03dOrW3AEhxdHGSEq8YJtPvg5KXA/viewform ) 或 WhatsApp联络 Lorraine (6134 4045)，经 payme / FPS 付款或银行转帐后把收据 Whatsapp予Lorraine