身为屋企嘅一家之主，老豆当然係全家嘅英雄；但係每个老豆都好似有阵?味，仲要教极都唔化。今个父亲节，係时候要带埋爸爸入戏院，调教一番！ 「教父」罗拔迪尼路（Robert De Niro）再次发挥笑匠功力，孭飞主演全新喜剧《教父冇限耆》（About My Father），出位程度更胜《PARTY冇限耆》（Dirty Grandpa）。「教父」今次化身爆笑?爸，一边教仔，一边反过嚟俾仔调教！奥斯卡影帝罗拔迪尼路，联同《绿簿旅友》（Green Book）斯巴顿马尼卡高（Sebastian Maniscalco），携手玩转父子亲情；《辣手保姆：女王蜂》（The Babysitter: Killer Queen）赖丝莉碧（Leslie Bibb）、《色慾都市》（Sex and the City）系列甘嘉德露（Kim Cattrall）、《见习冇限耆》（The Intern）安德斯荷姆（Anders Holm）齐齐合力引爆笑弹，炮製既搞笑又窝心嘅家庭喜剧，绝对係父亲节必睇之选！ 故事大纲 廿四孝老豆沙宝（罗拔迪尼路　饰）一直将自己做人嗰套，灌输俾阿仔斯巴顿（斯巴顿马尼卡高　饰），可惜「仔大仔世界，越大越变坏」！斯巴顿结识富二代女友后，嫌草根老豆太过失礼；但为咗求婚，被逼带住?爸见未来亲家。斯巴顿为避免尴尬，决定落力调教老豆，点知沙宝依然失晒控：佢同超豪亲家唔止生活习惯撞到啪啪声，两父子仲搞出连串?爆大镬！到底係爸爸太?，抑或阿仔要求多多，呢场超疯癫见亲家之旅，究竟点收科？

---

电影资料 主演：罗拔迪尼路、斯巴顿马尼卡高 导演：萝拉特鲁索 级别：待定 片长：待定 语言：英语 (中文字幕) 片种：喜剧