寻寻觅觅，患得患失，MilMill 几经艰辛终在香港觅得合适厂房重置。搬厂工程浩大，重置既耗心力也耗资源，感谢科技园公司延长 MilMill 三个月租期至9月30日，至于现时在元朗的厂房、教育中心，就开放予团体报名参观，直至8月15日。我哋希望能做到新旧厂房的服务无缝衔接，对客户及各合作方嘅影响减至最低；香港市民亦能选择继续已经习惯咗嘅回收饮品盒方法。 新厂房面积更大，我哋更加需要开源；除咗预计我哋之后几个月会陆续推出或公佈嘅新回收服务以及 MilMill新产品外，我哋亦希望再继续推进早前不少合作方（包括学校和机构）可能因爲我哋前景不明朗而慢咗落嚟嘅各种回收合作探讨，为香港进一步减废。希望大家能够继续大力支持，使用MilMill以及SSID嘅产品及服务！ 我哋见到之前一啲意见，知道有部分客户较难喺实体店揾到我哋嘅产品，虽然呢个问题涉及个别店舖嘅内部安排，喵坊较为被动，但我哋亦希望将你哋嘅意见反映俾合作商家以求能尽量改善目前销售渠道情况，俾大家能够更容易买到各样MilMill产品。另一方面，如果大家有意协助我哋扩大销售网络的话，请电邮 [email protected] 或致电2498-2800（张先生）与我哋联络。