如果咸湿係一种味道，究竟实情係乜味道？呢种味道又会勾引起点样嘅感觉同记忆？ 今次大叔我硬撼Dirty咸湿主题，撞正呢排metoo Youtoo wetoo 风头火势，冇得闪冇得缩，正正就係最啱时候重新讨论咸湿，定义咸湿，活化咸湿，保育咸湿——不认不认还须认，话自己唔咸湿嗰位阿姐阿哥请举手。 欢迎各位街坊好友拖男带女嚟现场沉浸式体验咸湿——几乎唔记得敲锣打鼓大声讲，呢个展览嘅灵魂关键当然係全宇宙最抵死啜核巴闭架势嘅香港粤语，当中相关日常饮食生活嘅粤语俚俗语，亦係我今年开始嘅饮食语言文化档案计划《Sik6 Zi6 Gei2 食自己》嘅精神支柱同力量来源。