位于M7嘅 Mighty Oaks Foundation 恩橡基金会 ，一直透过多元化活动连繫一班老友记 及同学仔 ，而最新搞作就喺ACE长幼学堂〈玩具耆兵〉，连结长幼跨代创意共融。 来自不同安老机构嘅长者 与同学仔，围绕个主题共同创作玩具作品，包括： 《有趣的动作棋子》：用黏土创作代表自己嘅动物棋。 《我们的乐园 》：喺棋盘创造属于长幼两代嘅主题乐园并设计区域同设施！最后又点少得《我们的故事》？动物棋同乐园已经Get Ready, 有埋互动故事就更Perfect！ 而是次长幼共融活动作品，包括：动物棋子同棋盘，即日起嚟到M7展出啦！棋盘仲会喺G/F公共空间「巨大化」，不同年龄嘅街坊、公众人士等都可以一齐「落场」体验真人捉棋！