11月14日，以女主唱黄昭允（황소윤）为核心，韩国独立乐队 새소년 SE SO NEON 将于九龙湾Music Zone举行歷来首场香港音乐会。 组成初期已经靠玩live喺弘大一带成为话题人物，2017年发表出道作〈长梦 A Long Dream〉后，唔止独立乐迷热捧，圈内多位音乐人都出力帮推，SE SO 首张专辑《夏羽 Summer Plumage》发布音乐会上，就有 hyukoh 主唱吴赫担任嘉宾；同年砰一声赢埋韩国音乐大奖嘅最佳新人，SE SO 出道时风头之盛，连坂本龙一亦专诚走去睇live，后来仲请人食饭po埋上IG。 SE SO NEON 喺韩文中可译作「新少年」，来自昭允行书铺时见到嘅一本同名旧杂誌 —— 唔知係有心定无意，呢个名又真係呼应到 SE SO 用復古元素去玩新风格嘅创作方针：蓝调、爵士、迷幻摇滚、80年代new wave、post punk，昭允一一手到拿来，捏成属于 SE SO NEON 嘅独特形状，令当地乐评一度以「曲风破坏者」去形容。 开咗个靓头，SE SO 却因兵役等原因而要作人员调动，昭允喺休团期间以 So!YoON! 名义推出个人大碟，展现出驾驭R&B与funky曲式嘅另一面相，促成后来与 Phum Viphurit 、DEAN、Japanese Breakfast 甚至男团 BTS 成员 RM 合作；随住曝光率上升，以为标誌造型嘅 So!YoON! 喺偶像男团与活力妹猪横行嘅K-pop市场上，其中性摇滚气质愈来愈显眼，愈来愈多fans。 确立个人风格后，So!YoON! 喺2020年带住全新阵容嘅 SE SO，以第二张专辑《Nonadaptation》回归，跟手发表乐队目前最好成绩嘅单曲〈乱春 NAN CHUN〉，喺Spotify上已累积过千万播放。虽然撞正covid，SE SO 却喺疫情下逆市衝入西方indie圈，Reddit 上到处有人开板讨论之余，巨头 Pitchfork 更将《Nonadaptation》与 Tame Impala、Phoebe Bridgers 等一同纳入该年度 Best 35 Rock Albums。 经过数首单曲热身后，새소년 SE SO NEON 今年展开世界巡迴，早前公布九月举行嘅北美及欧洲场次后，今日正式公布亚洲场次，除咗返啅嘅台湾泰国日本外，终于有香港份喇。