上Viagogo交易平台 (非官方) 购票 https://prf.hn/l/p3WlDl9

(买家需自行承受风险)

Update 22/1/2024: 陈蕾今年好成绩好消息一单接一单，势如破竹势​​不可挡，今日喜极宣佈3月保诚保险呈献 陈蕾演唱会 2024 《念》，再加开3月2日一场作为首场！门票今个星期五 26/1/2024 于城市电脑售票网公开发售！相信对很多扑不到飞的歌迷朋友们来说是极大喜讯。

对于首次红馆演唱会，一开三场即秒爆，还再加开，陈蕾直言可能这是就是所谓天意，「本来真係冇期，得三场，但运气不错啦，突然又收到通知话有时间比到我哋，咁同公司研究过之后，又唔想俾自己咁大压力，所以决定加开多一场。」

问到她知不知道很多歌迷仍扑不到飞，黄牛飞即开天杀价？「我真係唔係好知出面情况呀，咁今次可以加开，希望令大家有再多啲空间去买到我个演唱会。确实係内部认购时，我张海报都仲未出街，就已经爆咗！我好多朋友喺我出咗演唱会poster后，先嚟问我订飞，我一张飞都帮唔到佢哋，依家加多场，对我嚟讲某程度上都係好事，我终于可以有少少飞俾自己嘅朋友，可以睇到我嘅第一次红馆演唱会。」

虽然三月才开骚，但陈蕾表示，已经好努力去闭关，全副精神都放喺为演唱会作准备上，无论心情、体能、同表演内容，都进行得如火如荼，但就未必有关于演唱会製作可以透露住，她笑道，「入嚟睇啦，嚟到咪知啰！祝大家26号买到飞啦！」

<hr>

陈蕾将于明年2024年3月假红馆举行其首个个人演唱会，今日演唱会海报率先面世，歌迷都哗哗声，因为海报之中是一个全新造型的陈蕾，一头长长白髮，头顶「念」字发出红光，粉丝纷纷大讚非常有型。是次这个白髮造型，陈蕾表示自己个人是非常非常之咁喜欢，创作过程也有参与构思，「我当时同同事讲，《沙门》演唱会之后，由《世界与你无关》之后的歌，全部都係黑暗中有道光的感觉，个海报背景可以好黑暗，我个人个妆就好白，我就係个道光嘅感觉。最终就有咗依家见到嘅白髮陈蕾啦，人生第一次红馆演唱会，都希望 poster 上有耳目一新嘅感觉，会质疑呢个係咪我嚟㗎就最好㖭。我想将自己塑造成一个纯白状态，话俾大家知，无论个世界几黑暗都好啦，我愿意成为你嗰道光！」

Poster出来之后，陈蕾谓第一眼见到设计师把「念」字放在一个红色像瞳孔的物体上，更暗自开心偷笑，「我係谂，唔通佢都係fans？因为我谂个演唱会名「念」都係同动漫全职猎人《HUNTER×HUNTER》有关，《HUNTER×HUNTER》入面有个角色古勒比加，佢一愤怒眼睛就会变为红色，设计师又用咗个红色圆形图案圈住个「念」字，所以我超锺意。好多谢团队做咗个咁好嘅设计效果比我。」

第一次做红馆，反应势如破竹，问到她开始有压力未？陈蕾笑谓因为内部认购反应好，所以压力反而少左，通常压力都係开骚前一个月先会来到，所以即日开始会做好自己身形管理，声音管理，体能管理等等，免得有临急抱佛脚的紧张，成个人Ready好就会减少心理压力，可以做得更好，「演唱会我希望可以视觉上，音效上都带俾大家一个沉浸式体验，唔会有闷场，绝大部份先用音乐去交流，之后Encore环节先用打机来同大家再交流，哈哈....但係公司未知呢件事，哈哈哈.....。」

PS. 係开三面台的呢，好似话冇期唔会加到场

<hr>

​Update 24/10/2023: 已宣佈3月开红馆嘅陈蕾，就公告两场的红馆骚内部认购爆泻，再加开 3月5日 一场！抢飞呀！

Update 26/9/2023: 豹哥出席活动时正式宣佈，2024年3月进军红馆，将为陈蕾首次红馆演唱会！

<hr>

陈蕾演唱会将会在2024年过年之后举办

Source: 叱咤乐坛访问

．请勿误信非官方售票渠道

<b>Follow 埋 Timable 演唱会 FB 专页：</b>

<u>https://www.facebook.com/timable.hk.concerts</u>