KAHO(洪嘉豪)首个红馆个人演唱会，将于4月13, 14 日两天于红馆举行， 距离开骚仍有三个多月 ，优先订购未开始，于一月初已经传门票被抢爆，唔够飞到离晒谱之下，今次不会有内部认购，以至全行怨声载道: 有冇搞错？！

据知，KAHO今次演唱会内部超额爆炸，是一向宠粉的他，为兑现承诺(成为院友可优先订票)，主动向公司提出优先给予歌迷会「院友」订购， KAHO被问是否有此事时，承认是他的主意，「我承认係锡班院友嘅，咁叫得人入会，我冇理由诈骗嘛，第一次红馆一定要首先开咗比佢哋买先啦，啲飞竟然係一开就已经卖完，重係有人话买唔到....唉，我已经尽晒力，好多朋友问我买飞，我都係嗰句，真係对唔住，係买唔到，我都冇飞了，大家想买真係要喺1月17 号优先订购嗰日去抢，然后优先订购抢唔到，就要留意公售。我自己都要揾人去买优先订购，同大家一齐抢公售，买番啲飞返来比朋友，屋企人。」

今日演唱会海报一出，即刻令所有院友疯癫，直指今次不单要扑飞，重好想扑到张海报，因为张海报KAHO靓仔到冇朋友，个个都想有一张留念！KAHO笑话，「我自己都觉得真係几靓仔，哈哈，自己都差啲认唔到自己。咁真係要归功于设计师啦，造型师啦，用一个咁简约嘅设计，但又做到一张咁出色嘅海报。点扑到张海报？我已经决定叫公司推出纪念品嗰阵，要有埋海报比大家买啦，今次啲纪念品都靓㗎，迟下会话大家知，一个演唱会有双黄莲蓉月+波鞋送，係咪好抵？哈哈，讲笑啫！总之大家留意啦，扑海报唔难，有心係会买到，扑飞难少少，我都知，辛苦大家了。」

是次演唱会简简单单名为 保诚保险呈献《洪嘉豪 Kaho Live 2024》，KAHO话係有寓意的，「我想用我个名去做人生第一次演唱会个题目，係想带出一种鼓励，嘉豪呢个名，係香港应该有千千万万个，平凡过咩咁，但係我希望大家唔好俾个名，限制咗自己，唔好觉得自己好平凡，就一定咩都做唔到，我都係由一个平凡人，勇于追求自己嘅梦想行到今日，终于可以第一次踏足红馆，我係一个普通人，同大家一样 ，平凡家庭出身，平凡的名字，平凡的样子，平凡的歌声，但只要怀抱住不平凡的梦想，我相信你同我一样，无论做咩，永不放弃，都係会得嘅，行到去梦想之地。」而是次演唱会，KAHO透露，他还有一个不平凡的梦想，「最近我推出新歌《黑玻璃》，实现梦想去咗日本拍MV，又开到一架自己梦想中想揸下嘅车，呢架车我想揸埋上红馆，揸埋上台，哈哈！不过依家未知得唔得，高层话帮紧你帮紧你，谂吓。咁我喺公司效力咗咁多年， 我估揸到架车上台，最好係当长期服务奖送埋比我啦，哈哈。」

同是10尾月生日的陈蕾及洪嘉豪（Kaho) ，两人不单止好朋友，连人生事业命运也一起起飞，日前两人联合举行生日会跟歌迷庆生辰之外，洪嘉豪惊喜宣佈将于明年4月12-13日会开其首个个人红馆演唱会。

Source: 华纳ig story

．请勿误信非官方售票渠道

Follow 埋 Timable 演唱会 FB 专页：

https://www.facebook.com/timable.hk.concerts