第二届船到桥头生活节，会喺2023年11月嘅4个週末举行。 今届除咗由横水渡连接嘅长洲、坪洲、同大屿山嘅梅窝同芝麻湾之外，生活节会引领大家思考包围同滋养呢几个地方嘅离岛海。 坐上横水渡，探访其他岛民，参加生活节各式活动，慢饮慢食慢行慢睇，察觉之前未有发现嘅离岛人事物，融入香港岛屿嘅独特氛围。探索海洋同陆地交界嘅奇妙社区同生态，聆听离岛环境嘅乐韵同节拍，忘却浮华嘅未来大岛梦，感受实在嘅当下小岛邻里同大自然关係。 生活节嘅阵容鼎盛，当中有好多朋友都住喺岛上面。佢哋喺生活节举办嘅活动，会带大家体会香港离岛嘅本质，离岛上嘅人和其他物种，以及海陆之间嘅生活。 睇吓生活节嘅建议路线，感受生活节嘅精彩活动。睇定船期表，轻装遊岛，期待生活节嘅种种发现和偶然。 船上见，岛上见。