漂物意指物件漂流，源于上世纪60年代于欧洲嘅漂书活动，当时书友将自己睇完嘅书贴上标籤投放到公共场所，例如公园长凳上，免费提供比拾取嘅人阅读，而下一位读者就会根据标籤提示，再以相同方式将书投放到其他公共场所；漂书活动得以延续，帮助文化传播，亦可以减少资源浪费，一举两得。 而咁有意义嘅「漂流教室」喺今个星期六，将由湾仔浸信会带领下「漂」到M7， 今次除咗漂书外更有漂玩具、文具，活动除咗推动减少浪费，更连繫人与人之间嘅关係，连结社区；同时培养小朋友知足同惜物之心，珍惜一切所拥有嘅事物，从而推动建立同发挥互助互享嘅精神。活动更有即场写书法、小朋友最爱嘅Face paint 活动以及油画展出，活动内容非常精彩！ 如果你都有书本、文具、玩具可以捐出，就记得星期六一齐到M7参加啦！