唔经唔觉，原来搞土墟都差唔多係成年前嘅事 上次【土墟之年初四咁嘅样】，我哋临时转阵，离开「美华11B1」，临急临忙联络土瓜湾小店友好，又倾又砌，卒之比我哋揾到十几个点愿意借地方比我地摆档／寄卖。 唔够一个星期，筹备一个全新模式嘅市集，面对住一个又一个嘅未知。好彩嘅係，结果大家似乎都几锺意呢个「非集中」形式嘅市集。 所以 我哋决定继续咁玩 今次集中于土瓜湾牛棚旁边嘅十三街，透过散落社区呢个「非集中」形式嘅市集，配合导尝团，更连结附近不同角落嘅友好小店，等大家逛吓土墟嘅同时，方便规划行径去探索土瓜湾，周围行吓食吓影吓相。 土瓜湾车房林立， 由鸿福街到长宁街到十三街，通街都係车房。 但係大家又知唔知究竟车房入面有咩乾坤？ 所以今次我哋化身烂口发、交通灯同吴准少，问咗几位刘定坚，借咗几间车房。 一齐「精装追铺仔」。