自从10月尾”Ham”lloween Party之后，幼稚园已经2个月冇同大家喺市集见面啦大家有冇挂住幼稚园嘅鼠鼠同自家产品啊？如果有嘅话，恭喜你愿望成真啦！！幼稚园将会于12月30日-1月1日一连三日喺南丰纱厂 M楼 The Annex举办领养日！同大家一齐迎接2024年！ 同之前嘅领养日一样，今次都会有鼠鼠出席架！鼠鼠同老师们嘅新年愿望一定係希望鼠鼠可以喺市集度揾到佢地真正嘅家，大家会唔会帮下鼠鼠们实现愿望啊~ 其实幼稚园都有收到过少数鼠友嘅反映，表示去咗领养日现场但鼠鼠冇出黎玩所以睇唔到鼠鼠，冇得睇下鼠鼠嘅性格或者外表係点其实大家可以唔洗怕丑主动揾我地嘅暂托老师们询问关于鼠鼠嘅资料，老师们都好乐意分享鼠鼠平时生活嘅片段比大家睇，等大家可以更了解待领养鼠鼠嘅特点！当然，都可以先行个圈，阵间再返黎望下鼠鼠有冇醒到啦~ 不过要留意~由于幼稚园现时嘅待领养鼠鼠数量不多，所以未必每一隻出席嘅鼠鼠都係待领养鼠鼠哦！已经毕业嘅毕业生鼠鼠们或者老师们养嘅鼠鼠都有机会出席领养日，比众多对鼠鼠有兴趣、想了解仓鼠嘅朋友们可以有机会接触鼠鼠同学习一下关于仓鼠嘅资讯。 除咗待领养鼠鼠之外，大家最期待嘅地方一定係小卖部嘅义卖商品！今次老师们都会努力製作好味又真材实料嘅自家製鼠鼠磨牙饼比大家嘅鼠鼠食仲有好多鼠鼠相关嘅自家产品，例如小袋子、杯套、Tee恤等等，仲有少量艾特赞助嘅商品，希望大家多多支持。 今次领养日将会係幼稚园参加同举办嘅第十个活动啦，好感谢大家一直以黎嘅支持，好多朋友几乎每次市集都会出席，即使冇时间出席，都会帮幼稚园分享贴文，令更多人认识幼稚园，见到有咁多人愿意支持我地，真係非常非常感动的。大家嘅支持真係幼稚园非常大嘅动力，希望今次都可以见到各位，同你地一齐交流鼠鼠饲养心得。新嘅一年，祝各位鼠爸鼠妈人鼠都健康快乐，食得玩得！ (为免发生危险，请大家将鼠鼠留在温暖家中，现场亦不设鼠聚及严禁鼠鼠之间交流，幼稚园希望人鼠平安，多谢大家)