各位人品好嘅土瓜湾街坊们 「显你牌品 考你章法」嘅时机到喇 係来紧农曆新年前后 我地将会推出「第一届土瓜湾麻雀王大赛」 今次大赛冇奖金冇奖品冇东京来回机票 赢家只会获得「土瓜湾麻雀王」美誉 打香港牌aka大家口中成日讲嘅广东牌 固之然唔打钱，斋计分，三番起糊玩造牌，鼓励有大志 【土瓜湾上路vs下路】 仲有一样特别啲嘅会係今次比赛出现 就係将「土瓜湾上路」同「土瓜湾下路」两条队进行比赛 边度係上路边度係下路，一路都众说纷纭 今次大家可以根据自己嘅「身份认同」报名 边度为之上路／下路冇指定答案～就係想引起大家讨论 总之你觉得自己係「上路街坊」／「下路街坊」就得啦 （来紧想搞一系列土瓜湾上路vs下路各类型比赛～今次试水温～睇吓大家有冇兴致玩喇）

---

初赛64强 日期：2月4日（日）（年廿五） 时间：12－8pm 地点：麻雀客栈 同时打「上路队」及「下路队」两枱 初赛打一圈，每枱有两位出线者，直接进入2月18日「32强」比赛 当日只需要参与上述时间嘅其中一小时～唔洗留晒全日係度～ 决赛日 日期：2月18日（日）（初九） 时间：12－10pm 地点：麻雀客栈 同时打「上路队」及「下路队」两枱 先打「32强」比赛，打一圈，每枱一位出线者，进入稍后时间「8强」准决赛 紧接「8强」准决赛，打两圈，每枱两位出线者，进入最后「4强」决赛 「8强」准决赛中，将会诞生「土瓜湾上路麻雀王」及「土瓜湾下路广雀王」各一名，请大家积极勇夺殊荣 「4强」决赛，打四圈，胜出者将获得「第一届土瓜湾麻雀王」称号 当日睇你几好揪，觉得自己好揪得就记得留晒全日嘅时间～