元宵节好快就到啦！黄大仙区议会联同黄大仙民政处及各大地区团体喺月日至日举办一连三日嘅「黄大仙元宵灯FUN乐市集」，同大家一齐欢度元宵佳节，率先为大家介绍市集「好玩、好买、好食」嘅地方！

市集喺黄大仙广场举行，设有约个售卖特色小食、文创手工艺品 、饰物 、摆设同中国传统文化艺术(包括汉服造型体验)嘅摊位，当中唔少商户来自黄大仙，商户仲会提供优惠折扣同各式商品，务求令大家「食餐饱、买餐饱」！

指定时段大会仲会免费派发印有黄大仙区可爱吉祥物「狮子仔」造型嘅车轮饼，记得唔好错过！现场仲有传统技艺及手作工作坊(如剪纸、香囊及书法字画)同文艺汇演，无论係情侣、三五知己定係亲子家庭都适合参加！

另外，元宵节梗係唔少得花灯 同琳瑯满目嘅灯饰！特别设计咗「花灯墙」 ，喺必到嘅「打卡」位！场内当然唔少得小朋友最锺意嘅「儿童遊乐区」，提供爆谷、棉花糖、扭气球、夹公仔机同一系列嘅互动遊戏，一次过满足大朋友同小朋友食、买、玩三个愿望，保证大家玩得尽兴！

我哋仲准备咗由区内中小学及幼稚园学生精心设计、独一无二嘅「狮子仔」纪念品！今年元宵佳节齐来黄大仙，一起感受节日气氛同黄大仙嘅独特魅力，到时见！