2024年啱啱开始，唔知大家有无订立到新嘅愿望清单呢？如果未定好嘅话，不如考虑做下文青啦！嚟紧2月25日由九龙城区青年发展及公民教育委员会同九龙城民政事务处合办嘅 九龙城「玩得睇得」文创坊 x 九龙城青年艺术展览 就可以俾你一个机会免费了解各种艺术！活动内容非常丰富㗎，除咗有好多精彩嘅舞台表演，仲有好多元化嘅摊位遊戏及艺术展览等等，仲有机会体验唔同嘅艺术项目添！

「九龙城「玩得睇得」文创坊 x 九龙城青年艺术展览」

活动日期：2024年2月25日 (星期日)

当日活动由下午2点开始，大会为大家准备咗唔同类型嘅精彩表演，包括歌唱表演、武术、乐器演奏及舞蹈表演，锺意欣赏唔同类型表演嘅你，记得唔好错过啦！

除左丰富嘅表演之外，现场仲会有摊位遊戏，啱晒家长同小朋友一齐去玩啊！摊位遊戏嘅内容都係经过精心设计架！除左想大家玩得开心，都希望大家係玩遊戏嘅过程增加到对可持续发展同环保方面嘅认识！

同场仲会设有青年艺术作品展示摊位，展出青年人的艺术作品，如：曼陀罗、永生花和蜡烛等，让青少年有一个展示作品的平台及发挥所长嘅机会，藉此推广本地艺术文化。

有得睇，有得玩，仲有得拎添！今次活动都为大家准备左精美嘅纪念品，大家可以免费换领！不过数量有限，先到先得㗎！

艺术工作坊

除此以外，大家仲有机会可以亲自体验各种艺术项目！5个特色工作坊，包括织艺工作坊、涂鸦工作坊、木工工作坊、陶艺工作坊以及新媒体工作坊，全部都係免费㗎！由即日起开始接受网上报名啦，快啲按下面连结报名啦！名额有限！咁吸引，一定要快啲报名啦！

1. 织艺工作坊 : 利用树枝和线，学习编织捕梦网。

2. 涂鸦工作坊：利用虚拟实境体验涂鸦喷漆文字创作。

3. 木艺工作坊：利用回收的木板作版画印刷。

4. 陶艺工作坊：製作具当下的社区元素/面貌陶杯垫。

5. 新媒体工作坊：透过回收的塑料製作社区模型。

报名表格: https://docs.google.com/forms/d/e/1FAIpQLSdsEFSEa6hEAULpw-gELGUcuK_zNaFYOZlekG5AzKwoXr1Uog/viewform?pli=1

工作坊日期：2024年2月25日 (日)

时间：下午1时至下午6时

地点：啟德车站广场 (港铁啟德站B出口)

费用：免费

有兴趣参加手工艺坊嘅朋友仔可由即日起填妥报名表格。由于名额有限，每人最多可透过网上登记两个不同的工作坊。工作坊亦预留部分即场参与名额。如果 
6-12岁或以下嘅小朋友想参加就必须要有家长陪同，以家长名义报名，共同製作一件作品。

约定大家，2月25日「九龙城「玩得睇得」文创坊 x 九龙城青年艺术展览」见！

活动日期：2024年2月25日
(星期日)

活动时间：下午2时至下午5时

活动地点：啟德车站广场 (港铁啟德站B出口)

活动如有更改，恕不另行通知