观塘今个星期五(23/2) 又有好节目！一连两日嘅嘉年华日接夜夜接日，同你庆祝元宵佳节！

嘉年华由观塘民政处、观塘区议会同香港广西社团总会合办，喺观塘市中心自由空间(邻近观塘港铁站及裕民坊)高挂个大红灯笼，洋溢浓厚元宵气氛！

现场仲有浪漫打卡装置，包括桃花林、情人桥、型拱门、揽揽红Bear等，可以同你嘅「重要另一半」留下倩影！仲有猜灯谜、舞台表演、文化工作坊、主题摊档等，大小同乐！现场仲有汉服大使讲解汉服歷史、穿戴礼仪，畀大家了解更多汉服文化，感受中华文化艺术魅力！

活动将喺今个星期五、六，下午两点至十点举行！大家记得约埋亲朋好友嚟共度日夜都缤纷嘅元宵啦！