对上一次搞 <昨日公映>画展已经係2018年

相隔咗6年后再搞多次😅

当年我初心画港产片，係希望大家唔好忘记香港电影

因为嗰阵大家都对香港电影失去信心

我听讲有人甚至鄙视港产片

所以好想香港人可以撑番自己本土电影

6年过去，我眼见确实大家对港产片讨论热度多咗

亦都有好多叫好叫座嘅纯港产片值得我去画，去帮手宣传支持

不过，香港嘅社会风气同环境已经唔同咗

你当我悲观啦😅我觉得做电影做创作比起6年前更困难

电影拍得到，都未必播得到，播得到都未上得到戏院🎬

所以我想再搞多次画展，当作一个纪录又好，一个歷史都好，至少留低佢存在过嘅证据。

有啲香港电影唔係睇完就算，要不停去回顾重温重播先会成为经典。

source:YeungDraw 啊羊绘记(FB)