《声梦一》出道的张驰豪（Aska）、林智乐（Felix）及潘静文（Sherman）宣佈合体为全新一系列现场音乐会《音乐出没》打响头炮，三人从歌唱比赛出道，可谓凭实力开骚，成为《音乐出没》系列首个演出单位组合，大会特以「First Jump」为题，三人落力跳足8小时做跳跃动作拍摄演唱会海报呼应主题，以迎接于下月（5月）18日晚上8时30分假海洋公园安盛怡庆坊举行的《音乐出没 First Jump 第一弹 ：Aska 张驰豪 X Felix 林智乐 X Sherman潘静文》，门票于昨日（4月15日）已正式开始公开发售！

操肌fit爆的张驰豪，日前于新歌MV以鱼网背心、透视恤衫大尺度演出，又出新歌又开演唱会，被力捧的Aska直言感到开心又兴奋：「我拍MV之前已经比平时再爆seed操肌同控制埋饮食，（会唔会操得太尽？）因为想将自己最好嘅一面喺台上骚俾大家睇，报答返Fans同大家嘅支持。嚟紧(5月18日) 开骚我都要继续再爆seed操，希望到时效果比海报更加『爆肌』! 」被问到于个唱上会否如MV般大尺度演唱新歌，Aska大方预告：「台上除衫骚Body一定冇问题！会构思其他大尺度的演出，而家要就先卖个关子！总之买飞入嚟睇！」

林智乐（Felix）与Aska老友鬼鬼，早前连见偶像A-Lin自肥都一齐，大胆邀请对方听自己新歌：「其实当日仲撞到我哋《声梦》导师 Gin Lee、泳儿同Janice，我有逐个邀请佢哋嚟睇骚，被公司同事笑我有铺『邀请瘾』，去到边都邀请人，做咗人肉流动宣传，我都畀个叻自己！」

唯一一位女将潘静文（Sherman）被问到怕不怕2男1女最后组成「嬲」组合，Sherman谓：「 佢两个私底下係隻甩绳马骝咁，希望去到綵排及演出嘅时候，唔会畀佢哋激到气绝！不过，歌单方面都想可以揾啲合唱歌，又或者有啲位可以合埋我哋三把「男女男」声去唱，仲谂紧会唔会可以re-arrange啲歌去呈现出嚟！」