猫迷注意！由Persian and Exotic Cat Club主办嘅「CFA冠军猫展」将会喺呢个週末(20-21/4)，喺大埔超级城C区中庭举行。

获得饲主们悉心照顾嘅参赛猫猫✨，将会分为成猫组、绝育猫组、幼猫组同家猫组，并由嚟自外国及本地嘅国际级评判进行评选。今次会由边隻猫猫获得最高分嘅紫色彩带🏅，敬请拭目以待！

除咗可以一次过免费睇到咁多隻冠军猫猫之外，各位猫迷亦可从中了解唔同品种猫猫嘅特征同习性📝，仲可以同猫友们聊吓「猫经」😼！猫迷们记得嚟捧场同打气啦！

📣提提大家，欣赏比赛嘅时候，记得遵守大会嘅指引，等猫猫可以喺舒服嘅环境下比赛呀～想知更多可留意大会专页 @Universal Feline Fanciers