夏日炎炎☀️，我哋为各位大朋友小朋友准备咗一连串轻鬆又好玩嘅活动😎冇错！今年七月至八月，国际综艺合家欢又返嚟啦，今个暑假为你哋带嚟线上线下嘅奇幻体验！

杂技、魔术、舞蹈、偶剧、音乐剧场及多媒体演出……节目多箩箩！偷偷话你知，今年有喺国内外获奖无数、载誉归来嘅中国杂技团，为大家带嚟结合创新技术同传统技艺嘅《青春ing》，仲有加拿大美人鱼剧团嘅黑光布偶剧场《彩虹鱼的海底大冒险》🐠，意大利TPO剧团嘅互动多媒体舞蹈《小豆丁大手笔》等🌳⋯⋯总有一款啱晒你一家大细嘅口味👪

仲等？🎉快啲去城市售票网售票处拎返本小册子或者去IAC网页www.hkiac.gov.hk 了解更多！等我哋陪你一齐过一个开心难忘嘅暑期啦

🌟🌟5月10日！冇错，听日就开始卖飞啦！想知今年嘅节目有几精彩？等我哋即刻介绍吓🌟🌟

🤹青春ing：中国杂技团云集多位「超人」，将施展「超能力」，表演各种高难度杂技：单车杂技、高拐同埋转碟等，紧张刺激到你会「哇」出声！

💫魔法随意门：香港着名魔术师甄泽权首个创作嘅魔术剧场，穿越多个家传户晓嘅童话故事世界，施展魔法排除难关，寻找失踪嘅囡囡。曾参赛《全美一叮》嘅日本幻象大师原大树(Hiroki Hara)亦会作特别嘉宾参与演出，到时候可以一睹佢一战成名嘅魔法。

🌳小豆丁大手笔：意大利 T P O 剧团带来沉浸式互动舞蹈剧场，利用互动数码投影技术，邀请你一齐郁郁手郁郁脚嚟创作你嘅理想城市。想要花草树木？想要高楼大厦？全凭你嘅想像！

👶奇幻「柔」乐园：ASSITEJ 国际卓越艺术奖2021得主、瑞典舞蹈家达莉亚．艾切．泰兰特创作呢个别树一帜嘅宝宝舞蹈演出。 舞台上佈满毛茸茸、软绵绵嘅装饰，最适合宝宝自由探索，眼看手又动，解锁无边想像。

🥚动物扭蛋机：被封印在扭蛋中的动物，将由你亲手解封！稻田身体剧场邀请大小朋友化身动物学家，从扭蛋机扭出动物嘅秘密。探究动物之间嘅奇妙化学反应，係朋友仔定係敌人呢？呢个係一个扭蛋遊戏，亦係一堂以舞蹈演绎嘅生态课！

🐠彩虹鱼的海底大冒险：加拿大美人鱼剧团擅长改编儿童文学，今次演绎马克斯．菲斯特嘅畅销同名绘本系列，令彩虹鱼由图书游到舞台，栩栩如生嘅萤光海洋生物布偶将带大家潜入海底世界歷险！

💭打尖忍者寻梦记：敲击乐家樊丽华设计演出，联同最擅长与观众互动嘅敲击乐团体「打尖」，召集各位小朋友试玩不同敲击乐，一齐叮叮咚咚，深入认识世界各地嘅敲击文化，体验节奏无远弗届嘅感染力。

🎹爵士号飞车：来自比利时嘅嗓梭爵士乐团将现场演奏爵士史上的头号「怪人」Thelonious Monk独特嘅爵士音乐，仲有以Thelonious爲主嘅动画投影！大小朋友可以一边听即兴又自由嘅爵士乐，一边跟住节奏摇摆。咁样轻鬆又好玩嘅多媒体演出不容错过！