update 18/6/2024:

为咗答谢大家热烈支持！《KATCH OUR LIFE Jer柳应廷 x MC张天赋 音乐会》宣布加开一场 🙏🏻 8月31日，再次约定你！

上次抢唔到门票嘅Katcher，记得要把握呢个机会了！

🎫【换领详情】

1️⃣【Katch Plus限定】以17,800会籍Katch Point(价值HK$1,780)换领▶️VIP门票乙张。「VIP门票」包括： ZONE A/B门票乙张 (门票位置随机，已包括HK$70票务手续费)＋可参与独家观赏綵排。*每位Katch Plus 会员最多限换VIP门票乙张。

2️⃣以12,500会籍Katch Point(价值HK$1,250)换领▶️ZONE A/B门票乙张 (门票位置随机，已包括HK$70票务手续费)

3️⃣以9,500会籍Katch Point(价值HK$950)换领▶️ZONE C/D 门票乙张 (门票位置随机，已包括HK$70票务手续费)

🔥【换领数量】每位Katch会员最多换领4张门票

🌈【换领成功后】门票于活动举办前大约一星期前，以顺丰到付寄到换领时填写的顺丰编号（只限香港顺丰站或顺丰智能柜）

门票数量有限，换完即止。

update 13/6/2024:

由Katch音乐娱乐平台主办，Visa 及 港铁冠名赞助《KATCH OUR LIFE Jer柳应廷 x MC张天赋 音乐会》，将于2024年8月30日假亚洲国际博览馆Arena举行，两位实力唱Jer柳应廷及MC张天赋将在一夜限定音乐会裡作出不同挑战，演出不设上下限！

两位实力唱将首度联手开Show，身为当事人的Jer与MC都同样兴奋，Jer表示：「当我知道有呢个合作之后係好兴奋，係咁同公司讲，我哋一定要接呢个Job。我自己好期待，因为由造星开始认识MC，佢一直都係一个好唱得嘅唱将，而我亦都係以唱将形象出现，所以都已经幻想到一齐会好有火花。」MC亦同样期待与Jer的合作，他说：「当初知道要演出KATCH OUR LIFE音乐会嘅时候，係未知会同边位歌手合唱，嗰阵时就谂边个会係我最期待呢？头两甲一定係Jer，因为同佢嘅歌路都有相似嘅地方，佢亦都係一位好出色嘅歌手，同台经验唔算太多，今次有一个真正嘅Concert可以同佢合作，同佢一样超级兴奋。」

Jer与MC有太多相似的地方：造星出身、入行前经常Busking、懂得玩结他、唱歌音域与曲风类同⋯⋯有着这么多的相似，二人又会期待怎样用音乐擦出火花呢？Jer即幻想道：「应该係声音上面嘅交流，大家好似擂台上面较量嘅感觉，好似两个Fighter，锻鍊咗一身武功，到时去到擂台大家会All In攞出嚟。」MC脑海裡面亦呈现了很多不同画面，他绘形绘声道：「可能会係各持一方，好似音乐会海报咁一黑一白，然后大家去做一个拉扯或者对抗，甚至喺台上面一齐玩乐器，或者我哋会攞我哋毕生所学嘅嘢出嚟All In，或者攞啲我哋唔识嘅嘢出嚟玩，我觉得都係几有趣嘅一个地方。」

All In的还有二人的唱功！MC也希望可以给台下观众惊喜，他说：「今次拣歌方面偏向平时未必可以喺舞台上面，或者未必有机会玩嘅歌，再喺入面拣一啲再刺激啲再Extreme（极瑞）啲嘅作品出嚟，因为好多时候拣歌都要迎合某啲原因，但今次同Jer合作可以大胆啲玩多啲嘢，同埋我哋加埋嘅上限係会高好多。」Jer亦希望做出一个截然不同的音乐会，他表示：「近排大家都爱上推出摇滚、Powerful啲嘅歌，宣传Poster裡面大家亦都攞住结他Rock Rock地，都几期待我哋到时喺台上面变成一个Band Show，然后一齐揈头，台下有人转圈（Mosh Pit），讲下笑，未必会，但会係一个好投入但又几有力量嘅表演。」

两位大男孩将会倾力演出，他们亦期待台上台下打成一片的画面，Jer道：「希望我哋喺台上Have Fun，大家都玩得开心、过瘾，观众亦都会睇得开心，呢个係我嘅宗旨。」MC亦和应道：「同意，最紧要Have Fun，既然其中一个目标係Have Fun，第二个目标就係观众都要Have Fun，大家应该要带住非常期待嘅心情，要同我一样咁期待，因为目前好多嘢都係未知之数，但如我所讲，我同Jer会擦出一个好强劲嘅火花，而且呢个係冇下限亦都冇上限嘅火花，好似睇烟花咁，你唔知会射得几高、几劲。」Jer亦续道：「希望大家入场睇呢个Show嘅乐迷都会带住一个期待得嚟又Enjoy嘅心情，最紧要大家好开心喺呢个Show度，返到屋企谂返起都依然有一个好难忘嘅表演，就算十年后谂返起，原来Jer同MC曾经做过一个咁样嘅Show，希望会成为一个几经典嘅画面。」

黎紧8月会有，柳应廷JER LAU x 张天赋MC CHEUNG演唱会，各位粉丝敬请期待

．请勿误信非官方售票渠道

Follow 埋 Timable 演唱会 FB 专页：

https://www.facebook.com/timable.hk.concerts