8月31号，港摔15週年纪念大会 a.k.a 生日派对，阵容细节全公开！

话明15週年，当晚6场赛事，场场新颖镬镬金！

先有10几年无见嘅港摔老朋友 Getter 嘅回归！到底有咩事令到老朋友都要復出搞搞佢？再嚟丐帮+外援何颢麟，大战外国势力3人组 - 当中仲有一隻...猫？

跟住就精彩喇！无见一排嘅 AWGC 双打冠军腰带将会以 Hardcore 赛事形式，由4路人马争夺！之后有歷史性首次喺香港举行挑战赛嘅墨西哥腰带 - DTU 双打冠军腰带。

仲有一条！就係双方由 2023年10月大赛上开展纠缠，终于喺今次15週年大日子，AWGC轻量级现任王者 Ricky Marvin 与 Mikey Man 进行一对一挑战！

登登登登登，压轴大赛，係香港歷史上首次嘅职业摔角铁笼赛，更係香港史上首次有墨西哥超大型组织嘅大人物 - 来自 AAA PsychoClown 参赛！

到底呢个铁笼会係咩赛制？输咗会有咩惩罚？

只此一晚，一个地方集合墨西哥、日本、中国、香港本地选手，呢个场面够盛大未？够 Party 未？买飞未？

Grab your ticket NOW!