你，仲相信英雄？

古语有云：「欲成为英雄者，中二病也。」即使我哋唔再信「人人都可以成为英雄」，但係由远古神话传说，到当今电影漫画作品，人似乎都离唔开英雄。呢个概念好似已经扎根咗喺我哋心入面，唔通，我哋最爱嘅係英雄而唔係Holiday？！

一个冇超能力只有热血嘅导演黄朗然，集结咗一班伙伴，誓要揾返依旧相信英雄嘅自己，并以集体创作（Devising）开展「成为英雄嘅预演綵排」！佢哋参（抄）考影视作品嘅「虚构英雄」、搜罗各地嘅「真实英雄」、唤醒中二病之魂发掘「日常英雄」⋯⋯仲有，仔细量度（用间尺）自己同英雄嘅距离——点解「佢」係「英雄」而唔係「神」？係「英雄」而唔係「平凡人」？「你」有冇做过英雄？「你」有冇俾人叫过「英雄」？

喺呢个时代，「我」係咪都有机会成为英雄？

喺呢个时代，仲需唔需要「我」成为英雄？

带住呢啲问题，呢班「英雄」将会用几个喼装晒所有用具，挑战用行李箱剧场 (Suitcase Theatre) 嘅方式喺世界各地传教，将佢哋研发嘅英雄独门育成秘笈扬威海外，流芳百世世世世世⋯⋯（回音）

到底係虾碌丑态尽出，定係柒到尽头便是型？不如一齐试吓衝咗先算，做咗先讲！