由于热带气旋「银杏」有机会为香港带来恶劣天气，为保障所有泳手嘅安全，大会经审慎考虑后，决定取消原定于11月10日（星期日）举行嘅「新世界维港泳2024」。

所有已报名嘅泳手将获全数退回已缴付嘅费用，包括：

1️⃣ 报名费（350港元）

2️⃣ 水试费用（150港元）

3️⃣ 如果你有额外捐出100港元慈善捐款，呢笔款项亦会全数退还。

退款安排详情将稍后于「新世界维港泳2024」网页公佈，所有已确认参赛资格嘅泳手亦会收到电邮通知。有关下年新世界维港泳嘅安排，泳总将会喺稍后时间公布。

原定同场举行嘅「第十一届亚洲公开水域游泳锦标赛」5公里项目亦会取消。

对于活动因天气关係取消而对各界所造成之不便，我哋衷心致歉，并期望游泳爱好者来年继续支持新世界维港泳。

一年一度嘅城中体育盛事返嚟啦！今年新世界维港泳以「跃在维港 闪亮全城✨」为主题，4,000名泳手将一齐喺维港激起欢乐闪亮嘅浪花，释放满满正能量，让全城聚焦维港！

新世界维港泳2024首设「同行者」安排，泳手可「相约」一位亲友一同落水，一同游过海！同时，为咗令更多泳手可以参与其中，今年「优悠组」会实行「先水试后抽籤」，大大提高中籤机会！

另一卖点 –– 今年嘅「竞赛组」分别设有「公开组」及「第十一届亚洲公开水域游泳锦标赛」，后者嘅赛道长约五公里，呢项锦标赛相隔12年后再度喺维港上演，大家可以一睹来自亚洲嘅泳坛高手喺维港较量！

今年新世界维港泳以🌟「跃在维港 闪亮全城」🌟为主题，一齐睇下赛事「三大亮点」😎：

1️⃣「优悠组」首设「同行者」👭🏻：今年终于可以二人同行一齐游！优悠组增设「同行者」报名嘅申请方式。如报名者及同行者二人均获得参加资格，大会将根据两人喺2023年维港泳嘅完成时间*或2024年嘅水试成绩，安排二人喺同一时段出发，以当中速度较慢者嘅成绩为准。

有意采用「同行者」安排嘅人士及其友人，必须各自填写报名表格，并于表格上「同行者」一栏填上对方嘅资料，以便主办机构核实及作出配对。此外，如两人中任何一位未能符合参赛资格或未能中籤，放心放心，係唔会影响到另一位嘅参加资格。

你又会选择同边个一齐报名呢? BFF、男女朋友、爹哋妈咪、定係你身型健硕嘅上司呢？😏

*成功完成新世界维港泳2023嘅泳手，或持有其他认可成绩人士将可豁免水试。

2️⃣先水试后抽籤🗳：所有参加者均须符合大会嘅取录资格，未有认可成绩者，则须通过9月份举行嘅水试，于45分钟内完成1,500米。如果符合参赛资格嘅人数超出参赛名额，大会将进行抽籤。而「竞赛组」维持不变，男女子组水试成绩分别最快嘅首100名泳手即可入围。

3️⃣「竞赛组」增设「亚洲公开水域游泳锦标赛」

「第11届亚洲公开水域游泳锦标赛」🏆：100名亚洲国家及地区嘅精英泳手将会喺维港一决高下！