故事大纲：

攞咗长者咭，人生就再冇希望？《老嘢时速》(Thelma) 话你知，高龄93依然可以活得⋯异常咁精彩！向来精叻嘅花妈婆婆，一日收到诈骗电话：为救乖孙先付一万美元。俾咗「赎金」后方知被揾笨，越谂越唔忿气，决定亲自出马追数追到天脚底，深入虎穴过程又惊又喜，仲有无限窝心时刻。故事根据编导Josh Margolin祖母真实经歷改编，绝对原汁原味，拍成呢个暑假最与众不同嘅「动作」喜剧。

《老嘢时速》不但笑爆辛丹斯电影节全体观众，烂蕃茄网更长期高达99%，影评通通 super like！戏中饰演花妈，係最近喺《玩转脑朋友2》声演念旧姐而爆红嘅资深绿叶王茱施洁比 (June Squibb)。茱姐跟角色年龄一样，拍戏超逾70多年终于首次担正，不少走动场面坚持亲身上阵，相当架势！七、八十年代凭《豹子胆》系列疯魔全球嘅铁汉偶像李察朗次 (Richard Roundtree) 都有份参演，亦成为佢临终前大银幕遗作。

电影资料：

导演：佐殊麦高连

演员：茱施洁比、李察朗次、费特海辛尔

片长：97 分钟

级别：TBC

语言：英语