如果联合国要有一首主题曲，相信提名〈Seven Nation Army〉唔会有太多人反对 —— 尤其係冇歌词大合唱版本。

获ESPN选为十大体育圣歌，该曲自2003年推出后，为 The White Stripes 赢得两座格林美奖，20年来喺唔同赛事盛事传唱，进入串流时代依然能够累积超过20亿点播，而呢段洗脑旋律嘅主人 Jack White 歷年来亦以不同身份，赢得12座格林美奖座，成为家传户晓嘅巨星级结他手。

曾组 The White Stripes、The Raconteurs、The Dead Weather 等硬派乐队，Jack White 除咗有一把相当易认嘅摇滚男高音，佢嗰手狠辣、凶暴、有如巨兽咆哮嘅结他演奏，先至係乐迷人生必听必睇嘅金漆招牌。从蓝调、garage rock、乡村音乐等曲风中淬鍊出强烈个人风格。2012年发表首张单飞专辑《Blunderbuss》后开始涉猎更多元素，Jack White 今年推出嘅第六张个人大碟《No Name》，回归其最擅长的原始蓝调摇滚风格，能量及感染力爆满，综合乐评网Metacritic显示各大媒体清一色给予正评，获86分高度评价。

贵为当代摇滚旗手，Jack White 将会在 Clockenflap 2024 作歷史性首度香港公演，于週日主舞台压轴演出！