香港人生活节奏急促，大家有冇试过觉得好大压力，心情低落？其实每个人都会有情绪起伏，照顾心理健康同身体健康一样咁重要。

为咗唤起大家对精神健康嘅关注，香港精神健康动力基金会特意举办「唱好精神音乐会2024」， 希望透过音乐嘅力量，令大家放低烦恼，以正面态度面对生活。今年好高兴可以邀请到唱作歌手细猫担任表演嘉宾，为大家带嚟一系列触动人心嘅歌曲，透过音乐展现佢对生活嘅积极态度，唱歌以外，细猫亦会分享个人经歷，鼓励大家积极面对人生💪！