九十年代初以〈The Drowners〉、〈Animal Nitrate〉等黄金单曲迅速爆红，Suede 喺1994年推出嘅第二张大碟《Dog Man Star》走暗黑华丽嘅实验史诗风格，唔单只係Britpop年代影响力深远嘅钜作之一，亦位列英国摇滚史上最具代表性嘅专辑。

经歷过解散重组后，Suede 自2013年回归专辑《Bloodsports》起，不论喺录音室抑或舞台上展现出令人意外嘅生猛力量；两年前发表嘅《Autofiction》融入post punk元素，野性程度直头係新band咁款，依然能令乐迷惊喜。

喺Britpop四巨头之中，Suede 向来係与香港缘份最深嘅一组，由99年访港人气迫爆会展玻璃上新闻，到后来主音 Brett Anderson 多次访港访到有人传佢黄埔有层楼，每次都係带来倾力精彩演出。今次係Suede第一次玩Clockenflap，将为乐迷带来超足本90分钟嘅特别加长版演出！无论你係新旧fans，都应该超期待週六晚喺维港同佢哋现场大合唱〈Saturday Night〉嘅珍贵时刻！