由网路素人歌手，到成为负责《国王排名》、《机动戦士ガンダム水星の魔女》等人气动画OP嘅 yama，係日本「覆面系」歌手嘅最新锐代表；一如近年冒起嘅 Ado、Mission、真夜中等以不同方式隐藏面相嘅艺人，yama 同样选择隐藏个人讯息，以连帽卫衣x蓝髮x白色面具形象示人，纯粹用音乐与世界接触。

凭住高低变化自如，时而慵懒时而充满力道嘅超磁性唱腔，即使身份神秘但依然无碍 yama 爆速走红。2020年，yama 以原创曲《春を告げる》主流出道，一举登上Spotify趋势排行榜首，至今已累积破亿串流点榜。今年推出首张大碟《awake&build》后声势更盛嘅 yama 将于 Clockenflap 2024作首度香港公演，期待已久嘅乐迷梗係要嚟捧场啦～