团名出自北京 post-punk 名团 P.K.14 一句歌词，亦从 ELLEGARDEN、甜梅号、Mac DeMarco 等单位取经，来自台湾高雄嘅「巨大的轰呜」由结他手 亮廷、低音结他 侯柏第、鼓手 黄堂轩 和 主唱 王之佑（aka Leo王）于高中年代组成。无论係创作抑或舞台上，巨鸣都体现出有如 Jon Spencer Blues Explosion 一般带有蓝调色彩嘅暴烈朋克力量。

成名作〈登鹳雀楼〉以中学课程必修同名唐诗为灵感，唱出「我不想上楼／不要啟蒙我／让我当白痴」嘅少年独有郁怒；其他曲目诸如〈妈妈我要吃肉〉、〈一分耕耘没有一分收穫〉、〈靠腰毛里森〉亦係表面令人莞尔，实质嘻笑怒骂嘅劲作。四人狂躁爆汗嘅表演风格，更为巨鸣赢得2015年金音奖嘅年度最佳现场演出，然而翌年乐团喺完成唯一大碟《老子有的时间》巡演，做访过纽约、波士顿、首尔、东京、大阪、吉隆坡、香港等城市后就进入无限期休团。

直至2022年底，巨大的轰呜喺已成为金曲奖级别饶舌歌手 Leo王 嘅《音乐战舰》音乐会上突发合体，以〈登鹳雀楼〉作Encore演出，再喺今年五月举办「突然决定去《登鹳雀楼》十週年演唱会」正式限定重组，更会首次嚟到香港登上 Clockenflap 舞台演出！