自90年代开始进入幕后世界，王双骏从喺宝灵街碟铺打趸嘅少年一步一步成长为本地首屈一指嘅製作人，由早期为谢霆锋製作经典大碟《玉蝴蝶》、成为何韵诗嘅「青山大乐队」发起人、出任梅艳芳嘅演唱会音乐总监、与陈奕迅一齐夹嘅 The Duo Band、麦浚龙御用音乐班底之一，到近年与多位新晋歌手合作，包括联同12位歌手组成「乐坛已死大合唱团」录製〈乐坛已死〉，可谓近三十年香港流行乐坛之中，处处係王双骏嘅手指印，并曾以唱片监製、编曲、製作人等身份于香港及台湾屡获奖项。

今年三月，王双骏首度举行嘅个人作品展大获好评，年尾将会联同人气歌手柳应廷，以及由爵士琴手 Daniel Chu、Anwiycti 全能乐手 Edward、The Hertz 主音结他手 Herman、Jason Kui、恭硕良、雷同二友、吴林峰等人组成嘅 THE HATS ON BAND 一同登上 Clockenflap 2024 舞台，如此组合，唔睇唔得。