早期以自家DIY方式发表个人作品，本地唱作人 Serrini 喺 2016年以一首姿态文艺拥抱MK嘅〈油尖旺金毛玲〉爆红，渐渐建立如宗教一般嘅fan base。2017年发表製作成熟嘅《Don’t Text Him》后，Serrini 揾嚟合作其中一首〈沟晒啲仔〉嘅 Alok 监製，以走黑暗电子风格嘅大碟《邪童谣》突破「骑呢小清新」标籤，规格宏大之余夹满愤怒与毁灭情绪，获得台湾第10届金音创作奖「海外创作音乐奖」奖项。过去数年，Serrini 先后发表〈网络安全隐患〉、〈我在流浮山滴眼水.jpg〉、〈树仔〉、〈不冷淡不热情〉等多首人气派台歌，亦曾为 per se、黎明、林家谦、Moon Tang 等艺人填词，晋身香港流行乐坛最具辨识度嘅女歌手之一，拥有博士衔头嘅佢除咗设奖学金回馈社会，也开设「树店」分享音乐、艺术品、书籍与画作等，属于真正多瓣数才女。今年推出全新大碟《Rage in Peace》并即将首次亮相 Clockenflap，将会係条女今年少有嘅大型公开演出！