update 11/11/2024:

睽违11年王菀之终于宣佈，2025年2月22.23日踏上红馆举行保诚保险呈献《合体 – 王菀之演唱会2025》。优先订购将于11月20日展开，公开发售日期为12月2日，歌迷扑飞要密切留意啦。

是次演唱会，名为《合体》， Ivana (王菀之)表示，这是入行20年的一个纪念骚，合体是二十年来的创作路上的合体，也是表演者与观众的合体，这个世界孤独一人很难成就梦想，「谂呢个名个阵，我会谂到好多合体，机械人合体啦，自我世界的合体，一个人奋斗路上，第一件事就係要同自己嘅内在小孩合体，再同身边嘅人合体，再同世界合体，由小的力量变大力量！ 合体，一个交流，一个同理心都係合体，二十年来创作路上，我少不了歌迷的支持，我可以开一个演唱会唱嘅歌全部由自己作曲，好幸福，全因有大家嘅支持。 舞台上表演者没有观众，也形成不到一个成功演出，所以今次邀请大家入场，再一次嚟同我合体，成就呢个二十年的纪念日。」

是次演唱会海报，不再在影楼拍摄，选景香港区某角落以非常纯綷、直接、真实的呈现一个开心笑着的Ivana，「灵感係嚟自佢地觉得我最近爱上摄影，重要係钟意左影黑白相，一个好简单直接冇花巧嘅我。二十年来我都试过好多唔同造形，唔同角色呈现係观众面前，有唱歌嘅我，电影嘅我，舞台剧嘅我，或者卡通配音嘅我，全部合体其实就係一个简简单单，同大家一样生活喺同一个城市入面嘅王菀之，同各dreamer 一齐努力奋斗。」依家咁多朋友仔钟意打卡，我哋谂紧係咪玩个合体遊戏，你揾到我喺边度影呢张海报，影番同一个位，IG上面tag返我，我或者送份礼物俾你。哈哈。」

今次演唱会， Ivana表示，自己即将会有非常多突破，「通常演唱会都会准备最少6-8套衫，由于我好想专注送好多歌同大家分享，咁珍贵两个几钟，终于可以红馆见面，我唔想有一刻唔係同大家一齐，所以今次想突破唔换衫！如果喺演唱会之前，俾大家见晒啲衫，好唔好？入场之后就「合体」！ 不如等歌迷拣啦，宁愿我唱多几首歌定係想我去换衫？哈哈。」

而当务之急，Ivana谓第一件事要突破係团队争要佢唱咩歌嘅斗争，「原来我不经不觉创作左二百几首歌。而好多歌都唔想放弃，好想唱。所以开左十次会都未拣到歌，依家一共50几首係大家都唔想放弃，音乐总监就反问，咁係咪呢个不可抗力之下， 我地要提早喺六点就要开场，哈哈。」

王菀之上次开红馆个唱已经係11年前，终于等到Ivana再开啦！2025年2月！红馆见！

．请勿误信非官方售票渠道

Follow 埋 Timable 演唱会 FB 专页：
https://www.facebook.com/timable.hk.concerts