来自成都嘅post-punk乐队海朋森，名字其实係「Hi person」嘅音译，与睇落很cool（事实上也很cool）嘅乐队形象相比，海朋森众成员对人际关係此一题目表现出相当热心，不断用音乐追求现实回应，鼓励人睇大啲睇远啲，开放啲去期待未知。

由2015年首张大碟《我不要别的歷史》开始，海朋森稳定出产一系列作品建立出新一代中国乐队中最鲜明立体嘅形象，包括带点曳曳戏子演绎嘅代表作〈草莓〉，主唱陈思江富有诗意嘅词锋透过口号式吟唱表达，既似英式说唱亦似京剧念白，喺舞台上极具感染力；而乐队扎实嘅演奏暴烈乾净得嚟埋藏各种细腻悦耳旋律，现场戏剧效果十足又能捉紧情绪脉搏，拖住你走入一个有许多符号意象嘅空间，令人无法保持麻木。

2020年，海朋森发表于柏林 Hansa Studio 录製，因受疫情影响而回国后製嘅第三张大碟《成长小说》，进一步深化佢哋怪异荒诞爽朗深邃兼备嘅独特美学体系，净係〈春风〉开头果句「你说我常常变得冷酷，我有时想像死亡」，加上左面再放一枝拆声结他清唱，已经刻划出当代年青人嘅迷惘不安。呢支备受海内外乐迷瞩目嘅优秀 post-punk 尖子将会喺 Clockenflap 作首度香港公演，我哋诚意大推！