高超结他技术加上可爱外型撞出超级反差萌，现居韩国首尔嘅 MEMI 去年发表于各大社交媒体瞬间爆红嘅单曲〈Guitar Pick〉，由结他网红一瞬而成当地摇滚新星，连 Limp Bizkit、Phoenix 甚至张震嶽都係fans。走红得快，出歌更快嘅 MEMI 已发表首张个人EP专辑《M3MI》，除咗战斗能量爆棚嘅rock妹风格曲目外，为离世亲人所写嘅〈Sorry for my late reply〉亦得到广大伤心人共鸣，喺Spotify上录得近三百万次串流点播。刚刚喺万圣节前夕发表今年第二支单曲〈LOVE SONG〉后，话咁快 MEMI 就会喺 Clockenflap 作香港公演，记得留意呢位活力四射嘅结他手喺现场功力！