北爱尔兰出生，英国长大嘅港裔女生 Eva Liu 以儿时家中长辈嘅昵称「妹猪」为代号，自2021年开始发表个人音乐作品，透过创作去探索多元文化背景对自身成长嘅影响，有时係坂本龙一，有时係电子遊戏音效，有时係父母开嘅中餐馆，有时係 David Lynch 嘅电影《蓝色夜合花》 —— 糅合成〈Talk to Death〉、〈zi oi 自爱〉等梦幻电跳嘅DIY流行小品。今年 mui zyu 推出第二张录音大碟《nothing or something to die for》，于 Metacritic 上得到8.1分综合好评，又再将其中五首改以中文填词，变换成〈当娜喜欢寄生虫〉、〈冷静如青瓜〉等介乎半唐番与寻根之间嘅另类广东歌，从香港人角度去听特别有趣，千祈唔好错过佢今次喺 Clockenflap 2024 嘅演出！