某晚冲凉时因为对时任男友身体有感而发唱咗几句出口，继而写下〈点解好仔都系细J？〉，独立唱作歌手 $alty Chick 盐焗鸡 于疫情早期发表一系列从女性角度出发，开放谈论〈我唔要男人只係需要撚〉、〈今晚好想好想打俾你〉、〈All My Love is Pornhub〉等肉慾情感诉求，瞬速建立出风情万种又常陷于情感漩涡嘅都会女子人设，喺本地乐迷间掀起一轮热播。自言以「当出IG story咁样生活有咩讲咩」嘅心态创作，真身曾係街头歌手嘅鸡姐，起初采用易入手追求直白嘅说唱曲风，随住分享交流程度深入，亦祭出更多时 folk 时 house 嘅乐种，表现出更立体嘅面向。

继去年发表专辑《十个陌生的熟人》后，最近（非常最近）再推出第三张个人专辑《使人生change鸡汤》，请各位务必喺 Clockenflap 2024 一睹佳人风采！