自独立发展以来，Kendy Suen以充满诗意的曲式，与乐迷探讨生命的哲学，随着她的个人风格愈趋成熟，Kendy的音乐领土亦成功衝出香港，今年先后4次到日本宣传。离港多时，Kendy终于回家，推出全新单曲《维纳斯的诞生》，并将于12月假英皇娱乐期间限定概念店0 e:ffect Concept Store 2/F 举办新歌同名展览，首次展出书法作品，更邀得7位艺术家联乘合作，举办工作坊及分享会，与乐迷近距离深入交流。

新歌曲词编监一手包办 Kendy：「想讲爱嘅多元性」

新歌《维纳斯的诞生》由Kendy一手包办曲词编监，创作的概念来自一场朋友间的对谈：「同朋友倾偈，讲起爱呢个话题，到底爱係乜嘢呢？讲吓讲吓，我发现好多人对爱都有唔同睇法，呢个命题，对好多人嚟讲都好困惑，我自己都係，谂谂吓，或者我哋都唔使太早参透。《维纳斯的诞生》就係想讲爱嘅多元性，畀大家多啲唔同面向嘅思考。」

MV的部分，Kendy再度点名邀请男神莫竣名担任男主角，她大讚对方很有味道：「我觉得佢同我嘅歌啲气质好夹，今次我哋仲特登去咗台湾观音草漯沙丘拍摄，嗰个位真係大风到癫咗，啲头髮几乎冇正常过，我直头以为自己拍紧《沙丘》，多谢佢肯同我玩到咁尽，真係辛苦晒。」她笑言自己的个性亦很像沙土，既可以流动，但是遇到对的环境又可以很稳定。

期间限定Kendy Suen 新歌同名展览《维纳斯的诞生》

至于期间限定的同名展览，Kendy指她的想法与创意的呈现，从来都不限于音乐：「有4句说话，可以将我哋嘅心比喻成美术家、书画家，佢可以绘画世间万物，心係无所不能，想要乜嘢，心都可以成就。呢4句话就係『心如工画师，能画诸世间，五蕴悉从生，无法而不造。』既然心可以创造一切、美化一切，点解我哋唔用心去美化呢个世界，创造一片人间净土呢？」这次更是Kendy首次展出个人书法作品，她直言心情紧张：「虽然我由2018年写到而家，某程度上书法已经係我生活嘅部份。因为写嗰阵要好专注，我觉得好似做紧冥想咁，每笔每划都呈现紧当下最真实嘅自己，要展示出嚟，感觉都几赤裸。」展览期间，Kendy将举办书法体验工作坊，期待大家感受到当中的宁静与美好，亦可以与乐迷齐齐为2024年画上美丽的总结。

除了Kendy，《维纳斯的诞生》展览亦邀得K.Chung、Crystal Leung、Alessia、Hei Luk、Riddick Douglas及Reni Haymond7位艺术家联乘合作，她说：「到时我哋会有唔同嘅工作坊同分享，令大家透过艺术活动感受更多爱，同埋可以同大家近距离见吓面、倾吓偈。」