香港有一个传闻係：「细个读书废，大个做设计。」 有冇一个可能係细个嘅时候我好天真咁真係信咗，所以专登读书咁废。当然大个咗发现童话裡都是骗人的。

记得我由细细个开始，已经好钟意整啲嘢出嚟比人睇，例如我记得小学嘅时候我成日画嘢，自己做咗个（声称）週刊嘅物体，仲要识整试阅版，仲要……真係有人比钱subscribe…谂返起都好笑，自己喺度度内容，谂啲同学会钟意睇咩，谂个週刊点印点摺。中学嘅时候成日比老师罚，次次功过相抵都係做壁报…顶…多数都係得我一个做，仲有次自己画个board game出嚟，全级廿几人一齐玩😀总之总係钟意整呢整路😗小学又好中学又好老师嘅评价都係：她对于自己有兴趣的事情，都会很努力做。

率之，大个咗就走去做设计。

2019年开始，我忽发其想开始Run呢个Page，真係无心插柳，开始有人睇有人follow，我其实心底裡觉得自己真係好幸运，我大个咗真係可以继续做创作比大家睇（要喊了）。有啲人话唔知我做咩，以为我呢度係一群人营运嘅一个page，其实事实上係我一人分饰好多角😂我感谢呢度所有欣赏我、愿意花时间去睇我嘅创作、甚至试过打一大篇字去回应我嘅创作嘅朋友，呢啲都唔係理所当然😭我会感恩一切同继续谦卑地努力创作！

今次做呢个展，虽然我问咗自己好多次「条女冯咩」，但最后都决定做，因为係我设计生涯嘅第一个十年，我想做一个小小里程碑同一众亲友们分享，我分享嘅都係我对生活嘅想法同观察得来嘅创作，如果你睇开观公啲嘢都觉得有趣！希望大家赏面嚟参观！