乐活草地又黎喇！✨

每年北区其中一个最令人期待，梗係由北区民政处及北区区议会合办及民政事务总署赞助嘅『乐活草地
北区音乐遊艺会2024』喇🥁！今年嘅活动将会係12月28日举行，今年一如既往有深受大家欢迎嘅手作工作坊、精彩嘅舞台表演，以及多个正嘢卖嘅跳蚤市场等大家黎行下🛍️！大家记得mark落schedule🗓️，12月28日（星期六）下午1:00至5:00，约定你地係上水凤溪第一中学的草地一齐品味乐活心境，漫步嫩绿草地！🌱

【乐活草地 ‧「文青手作」工作坊】

每年乐活草地嘅「文青手作」工作坊都係深受大家喜爱💚！相信大家都好期待今年嘅手作工作坊，今年「乐活草地‧北区音乐遊艺会 2024」一共有5个免费工作坊！！即刻睇下点样报名啦！✨

【「文青手作」工作坊】

1. 环保咖啡渣种植工作坊☕🍀

咖啡大家就饮得多啦，但其实咖啡渣入面含有丰富嘅营养素，係好适合植物生长㗎！将回收得黎嘅咖啡渣发酵转化成堆肥，仲可以善用资源，为地球出一份力。

环保咖啡渣种植工作坊网上报名表格: https://forms.gle/Tn4F7VBvn9PdCT7o6

2. 乾花立体相框工作坊🌹🖼️

导师会教大家如何用乾花嘅配色同拼花方式，整一个乾花立体相框，既美观又有创意！

乾花立体摆设工作坊网上报名表格: https://forms.gle/T1oQfctBHF6KMBYx7

3. 纸摺舞狮头工作坊 🦁

舞狮大家应该就睇得多，唔知又有冇试过用纸摺舞狮头呢？导师会教大家如何用纸摺舞狮头，让大家摺完可以送上祝福！

纸摺舞狮头工作坊网上报名表格: https://forms.gle/nMYPx7jn562C87E78

4. 香薰永生花音乐盒工作坊 🌸🩰

想唔想亲手製作一个充满香气同美感嘅音乐盒呢？导师会教如何拣香薰精油、搭配永生花，仲可以选择你最锺意嘅旋律添！

香薰永生花音乐盒工作坊网上报名表格: https://forms.gle/eCEH2tEusS5LEzaZ8

5.动物木雕工作坊 🐕🐕

在动物木雕工作坊中，导师会教授木雕的基本技巧，从选材到雕刻，比大家创作属于自己独一无二嘅动物雕刻作品！

动物木雕工作坊网上报名表格: https://forms.gle/dumtrPgYAKYJJKH36

【「文青手作」工作坊】报名方法

首先Follow我地乐活草地Lohas嘅Facebook
https://www.facebook.com/lohasmusicfestival/ 或Instagram
https://www.instagram.com/lohasmusicfestival/ ，再讚好👍工作坊帖子，然后Click 入工作坊Link报名就得喇。

由于名额有限，每节工作坊时段中会选出5名答题最具心思❤️及创意👍答案的参加者，可获得工作坊名额。

*截止报名日期: 2024年12月17日 下午5时正

*每个工作坊只限预约一节，而每人最多可预约参加一个工作坊。

*6-12岁嘅小朋友想参加就必须有家长陪同，以两人形式参与及共同製作一件作品。

*温馨提示：工作坊製作过程需时及有相关的手作程序。

😊我地稍后会以电邮联络成功报名工作坊嘅朋友仔。如于12月20日或之前未获电邮通知，即代表报名未能成功。

如果未能成功网上报名参加工作坊，可于活动当日中午12:45亲身到现场报名，每人只限参加一个工作坊，先到先得，额满即止。

活动内容如有任何更改，恕不另行通知。
如有任何争议，主办单位保留一切活动最终决定权。

【乐活草地 ‧ 表演嘉宾及表演团体】

【表演嘉宾】

乐活草地每年都会有好多精彩表演✨。而今年，我地邀请左三位超年轻实力嘅歌手🎤，包括Sherman 潘静文、Rock 何晋乐 同 Pamela 赵小婷🤩!

如果想欣赏佢地嘅精彩表演，记住12月28日一定要嚟乐活草地玩呀🍀！

【表演团体】

之前介绍咗几个嚟紧会喺乐活草地表演嘅歌手，但表演又点止得咁少丫😝？今年我地仲有无伴奏合唱𝐙𝐢⁴𝐙𝐢⁴𝐙𝐚𝐦⁴🎤、乐团表演KATER🎹、香港业余管弦乐协会西乐演奏🎼、香港花式剑球协会花式剑球表演、激鼓乐社太鼓表演🥁、Rockz Element街舞表演🕺、李抒欣手碟演奏、魔术师Jane Kong🪄，黎为我地带黎各种各样充满特色嘅表演项目，大家记得mark实schedule喇！🔖

【乐活草地 ‧ 跳蚤市场及遊戏摊位】

【跳蚤市场】

今年乐活草地新加左跳蚤市场🛍️！ 我哋嘅跳蚤市场将为你带来多样化嘅产品，包括环保清洁产品、布艺製品、手作饰品等等！🎁 凡喺市场消费嘅朋友，仲可以获得上水广场电子优惠券同可爱嘅圣诞小熊猫公仔！🐼✨ 数量有限，送完即止，并受条款及细则约束。快啲把握机会！🤩

【大型儿童遊戏】

今年乐活草地仲为大家准备咗各种大型儿童遊戏👧🏻，包括充气棒球场⚾️，层层疊，大型俄罗斯方块及其他儿童遊戏🎮，另外仲有扭气球摊位、泡泡表演、小丑踩高跷添啊🤡！所有活动大朋友、小朋友都可参加，咁难得嘅机会，当然要黎参与啦！ ✨

【特色文化摊位】

现场仲会深受大家欢迎嘅卡通人物速绘摊位🎨，几分钟就可以收到由速绘画家为大家绘画嘅精美人像画㗎啦！另外仲会有三个香港嘅非物质文化遗产技艺摊位，包括茶粿製作技艺摊位、糖画製作摊位同麵塑製作摊位！茶粿是客家人的传统小食😋，我们特别邀请了导师到场讲解与示范茶粿的製作。而糖画是一项精緻的艺术，我们的糖画师将会现场展示如何以糖作画，让你目到这项传统技艺的魅力🙌🏻！最后，麵塑製作摊位也将带来惊喜😝，让大家亲手看见师傅如何製作这些精美的麵塑作品。想深入了解香港的非物质文化遗产技艺，千万不要错过啊！👀

【乐活草地 ‧打卡位及纪念品】

【打卡位】📸

乐活草地有表演、有摊位遊戏、有工作坊，咁梗係唔少得打卡嘅地方啦✨，我地係上水马会道17号凤溪第一中学草地上面设有多个打卡位置，让前来嘅大朋友同小朋友们都可以係唔同嘅打卡位置留低美好嘅回忆💚！到时打完卡记得po係IG同Facebook Hashtag番我地啊🤩！

【纪念品】🎁

今年我们准备咗防水野餐垫🧺，让你随时随地享受野餐时光！记得一定要过来领取，带返屋企呀！☘️☘️

除此之外，係场内跳蚤市场消费🛍️，就可以获得上水广场电子优惠券同可爱嘅圣诞小熊猫公仔！🐼✨ 所有纪念品数量有限，送完即止，快啲把握机会🙆🏻‍♀️！优惠券均受条款及细则约束

又有得玩，又有礼物🎁，仲有咁多特色摊位，快啲约埋朋友嚟玩啦! 约定你地，乐活草地见！

活动当日下午12:30至5:00每二十分钟一班穿梭巴士接载参加者往返上水广场～