香港，係好多人「留低」难忘故事嘅地方。有人选择带住故事离开，有人决定留低延续故事，有人仲谂紧离开定留低呢个地方。你，喺香港又留低咗点样嘅故事呢？

每个人嘅故事都好特别，好值得细听。年廿六、廿七，我哋诚邀你哋嚟蓝屋「楼底」，同一班留喺香港嘅档主，互相细说同分享所珍惜嘅人、事、物。等我哋用故事交换物件、故事交换故事嘅方式，将每个留喺香港嘅独特故事「留底」，并好好流传落去。

今次我哋邀请咗好多特色档主！#老正工作室 会有老友记嚟分享佢哋留喺香港故事，仲有#在地南亚人小誌 同#临时库存 展示唔同嘅旧刊物，等你嚟发掘。#石下诗会、#长梦书店 同 #窗口巷 都准备咗好多有趣嘅故事交换体验俾大家！#蓝屋居民 都会摆几档，分享佢哋昔今留低嘅蓝屋嘅故事㗎！到时大家仲可以喺 #留低故事卡 写低你嘅香港故事，试玩 #移民桌遊，并以 #挥春接龙 为自己同街坊送上祝福。

除咗以上特色档主之外，仲有更多网上招募嘅创意档主！有 #即场画画、#手写字、#旧物交换、#特色手作、#塔罗占卜 等，每个档主都有属于佢哋嘅香港故事。等紧你去发掘！

今个新春，等我哋喺蓝屋「楼底」相见，挖掘更多「留低」喺香港嘅故事！

预先登记（可即场报名）：https://forms.gle/nKtY2cnZGo22R4fx9